نواب شاہ میں موٹر سائیکل سوار مسلح افراد کی فائرنگ کے 6 افراد جاں بحق ہوگئے۔
پولیس کے مطابق بی سیکشن تھانے کی حدود کیریو موری کے قریب 3موٹر سائیکلوں پر سوار مسلح افراد نے اندھا دھند فائرنگ کرکے 6افراد کو قتل کردیا اور موقع سے فرار ہوگئے۔ جاں بحق افراد کی لاشوں کو پوسٹ مارٹم کےلئے پیپلز میڈیکل اسپتال منتقل کردیا گیا۔
جاں بحق ہونے والوں کی شناخت شہباز علی، یار محمد، حبدار علی، رجب علی، فرمان اور قربان علی کے ناموں سے ہوئی ہے،جاں بحق افراد کا تعلق بھنگوار برادری سے ہے، جو پیشی کے لیے عدالت جارہے تھے۔
ایس ایس پی شبیر سیٹھار کا کہنا ہے کہ بظاہر واقعہ پرانی دشمنی کا شاخسانہ لگ رہا ہے، علاقے میں پولیس کی نفری تعینات کی دی گئی ہے مزید تحقیقات کی جارہی ہے۔
