کراچی میں کے الیکٹرک کی جانب سے دھابیجی پمپنگ اسٹیشن پر بجلی کے بریک ڈاؤن کے باعث شہر کو پانی کی فراہمی متاثر ہے۔ شہر کو سو ملین گیلن پانی کا سامان ہوسکتا ہے۔
ترجمان واٹر کارپوریشن کے مطابق بریک ڈاؤن رات 12 بج کر 15 منٹ پر پیش آیا، بجلی کے بریک ڈاؤن سے لائن نمبر 5 دو مقامات سے متاثر ہوئی اطلاع ملنے پر واٹر کارپوریشن حکام موقع پر پہنچے سی ای او واٹر کارپوریشن نے متاثرہ لائن کی فوری مرمت کے احکامات جاری کئے۔
واٹر کارپوریشن حکام نے فوری مرمتی کام کا آغاز کردیا ہے، مرمت کا کام اگلے 36 گھنٹوں میں مکمل کرلیا جائے گا مرمتی کام کے دوران شہر کو 100 ملین گیلن پانی کی کمی کا سامنا ہوگا۔
