پاکستان تحریک انصاف (پی ٹی آئی) نے 26 ویں آئینی ترمیم کے حق میں ووٹ دینے پر اپنے پانچ ارکان قومی اسمبلی کو پارٹی سے نکال دیا۔
چیئرمین پی ٹی آئی بیرسٹر گوہر خان کے دستخط سے جاری کردہ نوٹیفیکیشن کے مطابق ظہور قریشی، اورنگزیب کھچی، مبارک زیب خان، عثمان علی اور چوہدری الیاس کو پارٹی سے خارج کر دیا گیا ہے۔
نوٹیفیکیشن میں کہا گیا کہ ان ارکان نے 21 اکتوبر 2024 کو 26 ویں آئینی ترمیم کے حق میں ووٹ دے کر پارٹی نظم و ضبط کی سنگین خلاف ورزی کی، حالانکہ پارٹی نے اس ترمیم کی مخالفت کا متفقہ فیصلہ کیا تھا۔
PTI has expelled these members of National Assembly for violating commitment, oath and loyalty to the Party. They acted contrary to the instructions of the Party and voted in favor of 26th Constitutional (Amendment) Bill 2024. And by conduct have joined another Parliamentary… pic.twitter.com/huLY7xINgd
— Sheikh Waqas Akram (@SheikhWaqqas) July 13, 2025
ان ارکان کو شوکاز نوٹس جاری کیے گئے تھے لیکن ان کے غیر تسلی بخش جوابات کی وجہ سے ان کے خلاف تادیبی کارروائی کی گئی۔
یاد رہے کہ 26ویں آئینی ترمیم جسے 21 اکتوبر 2024 کو رات گئے پارلیمنٹ کے دونوں ایوانوں سے منظور کیا گیا چیف جسٹس کے عہدے کی مدت تین سال تک محدود کرنے اور عدالتی تقرریوں کے لیے پارلیمانی کمیٹی قائم کرنے سے متعلق ہے۔
پی ٹی آئی نے اس ترمیم کو عدلیہ کی آزادی پر حملہ قرار دیتے ہوئے اس کی شدید مخالفت کی تھی اور دعویٰ کیا تھا کہ اس کا مقصد 8 فروری 2024 کے انتخابات میں مبینہ دھاندلی کو تحفظ دینا اور پی ٹی آئی کو نشانہ بنانا ہے۔
