جسٹس سرفراز ڈوگر نے چیف جسٹس اسلام آباد ہائی کورٹ کے عہدے کا حلف اٹھا لیا۔
چیف جسٹس اسلام آباد ہائی کورٹ جسٹس سرفراز ڈوگر کی تقریب حلف برداری ایوانِ صدر میں ہوئی۔ صدر مملکت آصف علی زرداری نے جسٹس سرفراز ڈوگر سے عہدے کا حلف لیا۔
وزیراعلیٰ پنجاب مریم نواز اور وفاقی وزیر قانون اعظم نذیر تارڑ نے تقریب میں شرکت کی۔چیئرمین سینیٹ یوسف رضا گیلانی بھی چیف جسٹس اسلام آباد ہائی کورٹ کی تقریب حلف برداری میں موجود تھے۔ تقریب میں سینئر وکلا کی بڑی تعداد بھی شریک ہوئی۔




















