وفاقی حکومت کے سول ملازمین کیلئے کم از کم تنخواہ 32 ہزار روپے مقرر کر دی گئی ہے۔
وزارت خزانہ کی جانب سے وفاقی حکومت کے سول ملازمین کیلئے خصوصی الاؤنس کا نوٹیفکیشن جاری کر دیا گیا ہے جس کے مطابق نئے بجٹ میں کم از کم ماہانہ اجرت 32 ہزار روپے مقرر کی گئی تھی۔
نوٹیفکیشن کے مطابق کم از کم ماہانہ اجرت کا اطلاق یکم جولائی 2023 سے ہوگا اور وفاقی سول ملازمین کو کم از کم اجرت یا گراس سیلری 32 ہزارملے گی۔
نوٹیفکیشن میں کہا گیا کہ وزارت دفاع کے سول یا کنٹریکٹ ملازمین کیلئے بھی کم از کم تنخواہ 32 ہزار مقرر کی گئی ہے۔
تاہم، وفاقی حکومت کے بیرون ملک تعینات سول ملازمین پر اطلاق نہیں ہوگا۔
