حکومتِ پاکستان نے امریکی صدر ڈونلڈ ٹرمپ کو 2026 کے نوبل امن انعام کے لیے نامزد کرنے کی سفارش کر دی ہے۔
حکومت پاکستان نے یہ فیصلہ پاک بھارت کشیدگی کے دوران امریکی صدر ڈونلڈ ٹرمپ کی فیصلہ کن سفارتی مداخلت پرکیا،جس کے باعث ایک ممکنہ جنگ کو روکا جا سکا۔
پاکستانی حکام کا کہنا ہے کہ صدر ٹرمپ نے ایک عظیم اسٹریٹجک بصیرت اور شاندار حکمت عملی کا مظاہرہ کرتے ہوئے اس تیزی سے بگڑتی صورتحال کو کنٹرول کیا اور دونوں جوہری ریاستوں کے درمیان جنگ بندی کو یقینی بنایا۔
Government of Pakistan Recommends President Donald J. Trump for 2026 Nobel Peace Prize
— Government of Pakistan (@GovtofPakistan) June 20, 2025
The Government of Pakistan has decided to formally recommend President Donald J. Trump for the 2026 Nobel Peace Prize, in recognition of his decisive diplomatic intervention and pivotal…
حکومتی بیان میں کہا گیا ہے کہ اگر اس تنازعے کو نہ روکا جاتا تو خطے اور اس سے باہر لاکھوں افراد کو تباہ کن نتائج کا سامنا ہوتا، یہ مداخلت صدر ٹرمپ کے حقیقی امن ساز کے کردار اور مذاکرات کے ذریعے تنازعات حل کرنے کے عزم کا منہ بولتا ثبوت ہے۔
پاکستانی حکومت کی جانب سے اس اقدام کو سفارتی سطح پر غیر معمولی قرار دیا جا رہا ہے اور عالمی برادری سے اپیل کی گئی ہے کہ وہ اس تاریخی کردار کو تسلیم کرے جو صدر ٹرمپ نے امن قائم کرنے میں ادا کیا۔
اس حوالے سے وزارتِ خارجہ جلد ناروے کی نوبل کمیٹی کو رسمی خط ارسال کرے گی، جس میں ٹرمپ کی نامزدگی کے حق میں دلائل اور شواہد شامل کیے جائیں گے۔
