پاکستان پیپلز پارٹی کے سینئر رہنما نواب زادہ افتخار احمد نے اعلان کیا ہے کہ چیئرمین بلاول بھٹو زرداری کی وطن واپسی پر شاندار عوامی استقبال کیا جائے گا۔
پاکستان پیپلز پارٹی کے سینئر رہنما نواب زادہ افتخار احمدکا کہنا تھا کہ بلاول بھٹو زرداری نے پاک،بھارت حالیہ تنازع میں پاکستان کا مؤقف عالمی سطح پر بھرپور انداز میں پیش کیا اور سفارتی محاذ پر بھارت کو شکست دی۔
نواب زادہ افتخار احمد نے کہا کہ بلاول بھٹو زرداری کی موثر سفارت کاری کی بدولت دنیا کے کسی ایک بھی ملک نے بھارت کی حمایت نہیں کی، بلکہ پاکستان کے مؤقف کو عالمی سطح پر پذیرائی ملی۔
ان کا کہنا تھا کہ بلاول نے اپنے نانا ذوالفقار علی بھٹو اور والدہ محترمہ بینظیر بھٹو کے نقش قدم پر چلتے ہوئے پاکستان کا مقدمہ عالمی سطح پر کامیابی سے لڑا۔
رہنما پیپلز پارٹی کا کہنا تھا کہ بلاول بھٹو زرداری کی قیادت میں پاکستان کو ایک باصلاحیت، جرات مند اور نوجوان رہنما میسر آیا ہے، جو نہ صرف عالمی سفارتکاری میں مہارت رکھتا ہے بلکہ اندرون ملک بھی قیادت کی صلاحیت رکھتا ہے۔
نواب زادہ افتخار احمد نے کہا کہ بلاول بھٹو زرداری ملک کو لیڈ کریں گے اور پیپلز پارٹی اور پوری قوم ان کے شانہ بشانہ کھڑی ہےبلاول کی سفارتی کامیابی صرف پاکستان کے لیے ایک بڑی پیشرفت نہیں بلکہ بھارت کی جنگی پالیسیوں کی بھی کھلی ناکامی ہے۔
پیپلز پارٹی کی قیادت اور کارکنان نے بلاول بھٹو کی اس کامیاب بین الاقوامی مہم پر ان کے لیے بھرپور عوامی پذیرائی اور ملک گیر استقبال کا اعلان کیا ہے۔
