ایران اور اسرائیل کے درمیان جاری کشیدگی اور جنگ کے باعث خطے کے متعدد ممالک نے اپنی فضائی حدود بند کر دی ہیں جس سے عالمی ہوابازی کی صنعت شدید متاثر ہوئی ہے۔
ایران، عراق، شام، اردن اور اسرائیل کی فضائی حدود کی بندش کے نتیجے میں متعدد غیر ملکی ایئرلائنز نے اپنے پروازوں کے روٹس تبدیل کر کے پاکستانی فضائی حدود کا استعمال شروع کر دیا ہے۔
ایوی ایشن ذرائع کے مطابق، ایمریٹس سمیت کئی بڑی ایئرلائنز شمالی امریکہ، مصر اور دیگر ممالک کے لیے پروازوں کے لیے مغربی پاکستان سے گزر کر افغانستان، ترکمانستان، بحیرہ کیسپین، آذربائیجان اور ترکی کے راستے اپنی منزلوں کی جانب جا رہی ہیں۔
واضح رہے کہ ایران پر اسرائیلی فضائی حملوں کے بعد 13 جون سے خطے میں فضائی حدود کی بندش کا سلسلہ جاری ہے۔
