ایران اور اسرائیل کے ایک دوسرے پر میزائل حملوں کے بعد اقوام متحدہ کے سیکریٹری جنرل انتونیو گوتریس نے فریقین سے تحمل کا مظاہرہ کرنی کی اپیل کی ہے۔
اقوام متحدہ کےسیکریٹری جنرل انتونیو گوتریس نے سوشل میڈیا پلیٹ فارم ایکس پر لکھا کہ کافی کشیدگی ہو گئی ہے۔ اب اسے روکنے کا وقت ہے۔ انہوں نے کہا کہ امن اور سفارت کاری کو غالب ہونا چاہیے۔ فریقین امن اور سفارت کاری کو فروغ دیں۔
دوسری جانب اسرائیل کے خلاف ایران کے جوابی حملے جاری ہے، ایران نے اسرائیل پر نئے میزائل حملے شروع کردیے، ایرانی میزائل وسطی اسرائیلی میں گرنے کی اطلاعات ہیں۔ اسرائیلی طیارے بھی ایرانی اہداف پر حملے کر رہے ہیں۔
عالمی میڈیا کے مطابق ایران کے جوابی حملوں میں اسرائیلی ہلاکتوں کی تعداد 4 ہوگئی، تل ابیب اور مقبوضہ بیت المقدس میں 90 سے زائد افراد زخمی ہوئے، کئی افراد ملبے تلے دبے ہوئے ہیں، ریسکیو کا عمل جاری ہے۔
