خیبرپختون خوا کو بلوچستان سے ملانے والی درابن دوماندہ ہائی وے سے نجی کمپنی کے11 ملازمین کو اغواء کرلیا گیا۔
پولیس نے تعاقب کرکے 6 ملازمین کو بازیاب کرا لیا،کمپنی اہلکار اسلام آباد سے براستہ ڈی آئی خان کوئٹہ جا رہے تھے، دیگر 5 مغویوں کی بازیابی اور ملزمان کی گرفتاری کیلئے پولیس کا علاقے میں سرچ آپریشن جاری ہے۔
دوسری جانب ڈپٹی ڈائریکٹر زراعت عمران وزیرکو رہاکردیا گیا،ڈپٹی ڈائریکٹرایگریکلچر جنوبی وزیرستان اپرعمران وزیر کو چند روز قبل ضلع ٹانک سےنامعلوم مسلح افراد نےاغواء کیا تھا،ان کی بحفاظت رہائی محکمہ زراعت اورعمران وزیر کے اہلِ خانہ کی کوششوں سے ممکن ہوئی،عمران وزیر کی باحفاظت رہائی پر اہل خانہ کا خوشی کا اظہار کیا۔
