ایلون مسک حکومت کا بجٹ کم کرنے کی پرجوش کوششوں کے بعد ٹرمپ انتظامیہ سے علیحدہ ہوگئے۔
دنیا کے امیر ترین شخص ایلون مسک نے صدر ٹرمپ کو بتائے بغیر مشیر کا اہم عہدہ چھوڑ دیا ہے۔ وائٹ ہاؤس اہلکاروں نے بھی اس بات کی تصدیق کر دی ہے۔
ایلون مسک نے ٹویٹر پر لکھا حکومت کے خصوصی ملازم کی حیثیت سے میرا ٹائم ختم ہوگیا۔صدر ٹرمپ کا شکریہ کہ انہوں نے اضافی اخراجات کم کرنے کا موقع دیا ۔
واضح رہے کہ ارب پتی ایلون مسک صدر ٹرمپ کے سینیئر مشیر کی حیثیت سے تنخواہ نہیں لیتے تھے۔ وائٹ ہاؤس کاکہنا تھا کہ مسک ڈوج کے امور کی نگرانی کرتے تھے مگر اس کے ملازم نہیں تھے۔ وفاقی بیورو کریسی میں کٹوتیوں پر ایلون مسک کو شدید تنقید کا سامنا تھا۔
