آذربائیجان نے پاکستان میں 2 ارب ڈالر کی سرمایہ کاری کا اعلان کردیا۔ صدر الہام علیوف کا کہنا ہے کہ سرمایہ کاری کیلئے منصوبوں کا جائزہ لے رہے ہیں، آذربائیجان نے ہمیشہ برادر ممالک پاکستان اور ترکیہ کا ساتھ دیا، پاک بھارت حالیہ کشیدگی باعث تشویش تھی۔
آذربائیجان کے صدر الہام علیوف نے پاکستان میں 2 ارب ڈالر کی سرمایہ کاری کا اعلان کردیا، انہوں نے کہا کہ سرمایہ کاری کیلئے منصوبوں کا جائزہ لے رہے ہیں، ترکیہ اور پاکستان کے ساتھ سیاحت میں بھی کام کرنا چاہتے ہیں۔
ان کا کہنا ہے کہ پاکستان، ترکیہ اور آذربائیجان مشترکہ تاریخ، ثقافت میں بندھے ہوئے ہیں، 2020ء کی جنگ میں ترکیہ اور پاکستان نے ہماری بھرپور مدد کی، ترکیہ، پاکستان اور آذربائیجان مشترکہ اہداف کیلئے ملکر آگے بڑھ رہے ہیں۔
الہام علیوف نے مزید کہا کہ پاکستان، ترکیہ کے ساتھ دفاع، دیگر شعبوں میں شراکت دار بڑھا رہے ہیں، تینوں ممالک کے درمیان دفاعی شعبے میں تعاون کے وسیع امکانات ہیں، تینوں ممالک کے درمیان دفاعی شعبے میں تعاون علاقائی استحکام کیلئے اہم ہے۔
آذربائیجان کے صدر کا کہنا ہے کہ او آئی سی، اقوام متحدہ سمیت دیگر فورمز پر تینوں ممالک کا مؤقف یکساں ہے، آذربائیجان نے ہمیشہ برادر ممالک پاکستان اور ترکیہ کا ساتھ دیا، پاک بھارت حالیہ کشیدگی باعث تشویش تھی۔
