اوساکا ایکسپو میں پاکستان پویلین ’’یونیورس ان اے گرین آف سالٹ‘‘ عالمی توجہ کا مرکزبن گیا۔ وفاقی وزیر تجارت جام کمال کاکہنا ہے پاکستان کے پنک سالٹ کو دنیا بھر میں پذیرائی مل رہی ہے۔
جاپان میں اوساکا ایکسپو 2025 میں پریس کانفرنس سے خطاب کرتے ہوئے جام کمال کا کہنا تھا پنک سالٹ پاکستان کا قدرتی اثاثہ ہے، دنیا بھر میں پذیرائی مل رہی ہے۔ پنک سالٹ کی عالمی مارکیٹ میں توسیع اور ویلیوایڈیشن حکومت کی اولین ترجیح ہے۔ جاپان کو پنک سالٹ کی برآمدات کا حجم تین ملین ڈالر تک پہنچ گیا۔
ان کا کہنا تھا کہ پاکستان کے نوجوان آئی ٹی اور ٹیکنالوجی میں دنیا کا مستقبل ہیں۔ پاکستان کی ٹیکسٹائل، چمڑے، سرجیکل اور کھیلوں کی مصنوعات عالمی سطح پر مقبول ہیں۔ وزیر تجارت نے جاپان، یوکے، امریکہ، چین، ترکی، سعودی عرب سمیت متعدد پویلینز کا دورہ بھی کیا۔ ایکسپو کے شرکاء کو چودہ اگست کو پاکستان نیشنل ڈے میں شرکت کی دعوت دی۔
