سابق بھارتی وزیر خارجہ یشونت سنہا نے انکشاف کیا ہے کہ پہلگام اور پلوامہ جیسے حملے صرف انتخابات میں سیاسی فائدہ حاصل کرنے کے لیے کرائے گئے۔
سابق بھارتی وزیر خارجہ یشونت سنہا نے ایک انٹرویو کے دوران مودی سرکار کی سازشوں پر سے پردہ اٹھا دیا۔یشونت سنہا کے مطابق پہلگام اور پلوامہ جیسے حملے ہمیشہ انتخابات سے پہلے ہی کیوں ہوتے ہیں؟ان کا کہنا تھا کہ پہلگام حملہ بہار کے انتخابات جیتنے کے لیے رچایا گیا۔اسی طرح پلوامہ واقعہ بھی انتخابات سے قبل ہوا، جس کا مودی نے بھرپور سیاسی فائدہ اٹھایا۔
یشونت سنہا نے مزید کہا کہ اڑی حملے کے بعد سرجیکل اسٹرائیک کا دعویٰ کیا گیا جسے انتخابی مہم میں خوب استعمال کیا گیا۔ان کے مطابق مودی نے قومی سلامتی جیسے حساس مسئلے کو بھی سیاسی مقاصد کے لیے استعمال کیا۔
سابق بھارتی وزیر خارجہ نے کہا کہ مودی نے انتخابی جلسوں میں پلوامہ کے 'شہداء' کا ذکر کرکے ووٹ مانگے۔ان کا کہنا تھا کہ مودی حکومت صرف دہشتگردی کے واقعات سے سیاسی فائدہ حاصل کرنا چاہتی ہے۔
