قومی ٹیم کے ہیڈ کوچ مائیک ہیسن نے کہاہے کہ بابراعظم اور محمد رضوان بہترین کھلاڑی ہیں اور دونوں ہی ہمارے وائٹ بال پلان کا حصہ ہیں ۔
میڈیا سے گفتگو کرتے ہوئے مائیک ہیسن کا کہناتھا کہ کوشش ہو گی کہ دورے کا آغاز اچھے طریقے سے کریں اور سیریز میں اچھاپرفارم کر کے رینکنگ کو بہتر کرنے کی کوشش کریں گے ، بابراعظم اور رضوان دونوں ہی بہترین کھلاڑی ہیں اور ہمارے وائٹ بال پلان میں شامل ہیں لیکن ان کو کچھ چیزوں میں بہتری کی ضرورت ہے اور وہ اس پر کام کر رہے ہیں، سیریز میں ہم جارحانہ کرکٹ کھیلنے کی کوشش کریں گے ۔
ان کا کہناتھا کہ دیگر ممالک اچھی کرکٹ کھیل رہے کوشش ہوگی ہم بھی اسی لیول کی کرکٹ کھیلیں، ہمیں صرف جارحانہ کرکٹ نہیں بلکہ اسمارٹ کرکٹ کھیلنی ہوگی، ہم ٹی ٹوئنٹی ورلڈکپ کی بھرپور تیاری کرنے کی کوشش کریں گے، بنگلہ دیش کی ٹیم ایک بہترین حریف ہے اور اچھی کرکٹ کھیلتے ہیں، ہم بہت پرامید ہیں کہ ٹی ٹوئنٹی ورلڈکپ میں اچھا پرفارم کرنے کی کوشش کریں گے۔
