انٹر بینک مارکیٹ میں آج کاروبار کے اختتام پر ڈالر کی قیمت میں کمی دیکھنے میں آئی ہے ۔
تفصیلات کے مطابق انٹر بینک مارکیٹ میں آج ڈالر کی قیمت میں 9 پیسے کمی ہوئی جس کے بعد ڈالر 281 روپے 97 پیسے پر آ گیاہے جبکہ اوپن مارکیٹ میں ڈالر کی قدر 284 روپے 15 پیسے پر برقرار ہے ۔
سونے کی قیمت
آل پاکستان صراف اینڈ جیولرز ایسوسی ایشن کے مطابق انٹرنیشنل مارکیٹ میں سونے کی قیمت 35 ڈالر اضافے سے 3326 ڈالر کا ہوگیا۔
رپورٹ کے مطابق پاکستان میں 24 قیراط فی تولہ سونا 3500 روپے اضافے کے بعد ایک بار پھر ساڑھے 3 لاکھ روپے کی سطح سے اوپر چلا گیا، نرخ 3 لاکھ 51 ہزار روپے ہوگئے۔
ایسوسی ایشن سے جاری اعداد و شمار کے مطابق دس گرام سونے کے بھاؤ 3000 روپے بڑھ کر 3 لاکھ 925 روپے پر آگئے۔
صراف ایسوسی ایشن کے مطابق چاندی کی قیمت میں بھی اضافہ ہوگیا، فی تولہ چاندی 38 روپے بڑھ کر 3466 روپے اور فی اونس قیمت 0.38 ڈالر اضافے سے 33.08 ڈالر ہوگئی۔
