لاہور میں 19 سالہ لڑکی کے قتل کی تفتیش میں اہم پیش رفت ہوئی ہے۔ سوتیلے باپ نے سگے باپ کی معاونت سے فریحہ کو قتل کیا۔ پولیس نے سوتیلے باپ کو گرفتار کرلیا۔
پولیس کے مطابق فریحہ عروج کی لاش 18 مئی کو خالی پلاٹ میں کچرے کےڈھیر سے ملی۔ لڑکی کی گردن پرتشدد کے نشانات تھے۔
تفتیشی حکام کے مطابق کلوز سرکٹ فوٹیج کی مدد سے لاش پھینکنے والے شخص کی شناخت کی تو انکشاف ہوا کہ ملزم مقتولہ کا سوتیلا باپ شہباز ہے۔ ملزم کوگرفتار کیا گیا تواس نے بتایا کہ مقتولہ فریحہ کو سگے باپ شوکت کی معاونت سے قتل کیا گیا۔
ابتدائی تفتیش میں پولیس نے شبہ ظاہرکیا ہے کہ لڑکی کو غیرت کے نام پر قتل کیا گیا۔ لڑکی کے حقیقی والد شوکت کی گرفتاری کی کوششیں جاری ہیں۔
