رواں مالی سال معاشی شرح نمو کا سالانہ ہدف حاصل نہ ہوسکا۔ شرح نمو ہدف سے کم 2.68 فیصد رہنے کا امکان ہے۔
سیکرٹری منصوبہ بندی کی زیر صدارت نیشنل اکاؤنٹس کمیٹی کے اجلاس میں بتایا گیا کہ حکومت نے رواں مالی سال جی ڈی پی گروتھ کا ہدف 3.6 فیصد مقرر کیا تھا تاہم شرح نمو ہدف سے کم 2.68 فیصد رہے گی۔
نیشنل اکاؤنٹس کمیٹی کے مطابق رواں مالی سال فی کس آمدنی 1840 ڈالر رہی، موجودہ مالی سال معیشت کا حجم 411 ارب ڈالر رہا۔
رواں مالی سال کے دوران زراعت، جنگلات اور فشریز میں0.56 فیصد کا اضافہ ہوا، صنعتی نمو میں 4.77 فیصد اور خدمات میں 2.91 فیصد گروتھ رہی۔ بجلی، گیس پانی کی گروتھ 28.88 فیصد رہی، چھوٹی صنعتوں کی پیداوار میں 8.81 فیصد اضافہ ہوا، تعمیرات کے شعبے میں 6.61 فیصد گروتھ ریکارڈ کیا گیا۔
زیرجائزہ عرصے کے دوران فصلوں کی پیداوار میں 6.82 فیصد کی کمی ہوئی، بڑی صنعتوں کی پیداوار میں 1.53 فیصد کی کمی ہوئی۔
