پشاور، نوشہرہ اور چارسدہ میں شدید آندھی اور طوفان نے تباہی مچا دی۔
ترجمان ریسکیو کے مطابق مختلف حادثات میں ایک 6 سالہ بچہ جان کی بازی ہار گیا جبکہ خواتین اور بچوں سمیت 11 افراد زخمی ہوئے۔ پیسکو ریجن میں 110 فیڈرز فالٹ کیوجہ سے بند ہوئے ہیں۔
ترجمان بلال احمد فیضی کے مطابق پشاور کے افغان کالونی، اسد انور کالونی، رانو گھڑی، سول کوارٹر اور گھنٹہ گھر کے قریب درخت اور دیواریں گرنے کے متعدد واقعات پیش آئےرانو گھڑی میں خانہ بدوش خاندان کے 6 سالہ بچے پر دیوار گرنے سے وہ موقع پر جاں بحق ہو گیا، جبکہ دیگر مختلف مقامات پر زخمی ہونے والے 5 افراد کو طبی امداد کے بعد ہسپتال منتقل کر دیا گیا۔
چارسدہ میں چھت گرنے سے ایک 10 سالہ بچہ زخمی ہوا، نوشہرہ میں دیوار گرنے اور درختوں کے گرنے سے 5 افراد زخمی ہوئےشدید طوفان نے بجلی کی فراہمی کو بھی شدید متاثر کیا۔
ترجمان پیسکو کے مطابق پشاور ریجن میں 110 فیڈرز ٹرپ کر گئے جبکہ کئی گرڈ اسٹیشن بھی بند ہوئے، جنہیں فوری بحال کر دیا گیا ہے۔پشاور، خیبر، سوات، مردان، صوابی، ایبٹ آباد اور مانسہرہ سرکل میں بجلی کی ترسیل متاثر ہوئی، جس کی بحالی کا کام جاری ہے۔
