مودی کی ناکام سفارت کاری عالمی سطح پر بے نقاب ہوگئی۔ کسی بھی ملک نے مودی کے جھوٹ کی حمایت نہ کی۔ دنیا پاکستان کے ساتھ کھڑی ہے جبکہ بھارت عالمی تنہائی کا شکار ہو چکا ہے۔
بی بی سی نے اپنے رپورٹ میں کہا ہے امریکی مداخلت سےبھارت کی خودمختاری کا بھانڈا پھوٹ گیا۔ جنگ بندی کا اعلان واشنگٹن سے ہوا۔ بھارت کی لاکھ کوششوں کے باوجود ٹرمپ نے دہشتگردی کا ذکر تک نہ کیا۔
رپورٹ کے مطابق امریکہ نے جنگ بندی کا حکم نامہ جاری کیا جبکہ بھارت لاعلم رہا۔ مودی کی ملٹی الائنس پالیسی دھری رہ گئی۔ متعدد ممالک کا پاکستان کی کھلی حمایت کا اعلان کیا ہے۔
پاکستان کو چین اور ترکیہ کی غیر متزلزل حمایت حاصل ہے جبکہ بھارت عالمی تنہائی کا شکار ہوچکا ہے۔ چین نے پاکستان کی خودمختاری کے تحفظ کا کھل کر اعلان کیا، ترکیہ نے پاکستان کے مؤقف کی مکمل حمایت کی جبکہ بھارت عالمی سطح پر تنہا رہا۔
رپورٹ میں مزید کہا گیا ہے کہ عالمی سفارت کاری نے کشمیر کو پھر مرکزی حیثیت دے دی، بھارت کا اندرونی معاملہ کہنے کا بیانیہ ناکام ہوگیا ۔ایران اور سعودی عرب نے بھی سفارتی رابطوں میں پاکستان کو ترجیح دی، بھارت ثانوی حیثیت میں رہا۔
بی بی سی کا کہنا ہے کہ عالمی میڈیا میں پاکستان کا بیانیہ چھا گیا، بھارت کا دہشتگردی کا شور عالمی سطح پر مسترد کردیا گیا۔ پاکستان نے ثبوتوں سے دنیا کو قائل کیا، ٹرمپ کے الفاظ نے بھارت کو مزید دیوار سے لگا دیا، دونوں ممالک کو برابر درجہ دے کر دہلی کی کا گھمنڈ خاک میں مل گیا۔
