کراچی کے علاقے سرجانی سیکٹر فور میں گھر کی چھت کا حصہ گرنے سے 7 برس کی بچی جاں بحق ہوگئی،واقعہ میں میاں بیوی سمیت 7 افراد زخمی ہوئے۔
ریسکیو حکام کے مطابق سرجانی سیکٹر فور میں گھر کی چھت کا حصہ گرگیا، واقعہ میں 7 برس کی ام ہانی جاں بحق جبکہ بچی کے والدین سمیت 7 افراد زخمی ہوئے، حادثہ اس وقت پیش آیا جب تمام افراد سو رہے تھے۔
اہلخانہ کے مطابق گھر کی حالت خستہ ہوگئی تھی، جس کی وجہ سے پلاستراچانک گرا اور حادثہ پیش آیا۔ جاں بحق بچی ام ہانی دوسری جماعت کی طالبہ تھی۔
عباسی شہید اسپتال انتظامیہ کے مطابق تمام زخمیوں کا علاج جاری ہے تاہم زخمیوں کی حالت خطرے سے باہر ہے۔
