وزیراعلیٰ پنجاب مریم نواز کا کہنا ہے کہ وزیراعظم شہبازشریف اور سپہ سالارجنرل عاصم منیر نے قوم کا سربلند کیا۔
وزیراعلیٰ پنجاب مریم نواز اپنے پیغام میں کہا کہ الحمد اللہ، پاکستان جیت گیا۔ وزیراعظم شہبازشریف اور سپہ سالار جنرل سید عاصم منیر نے قوم کا سربلند کیا۔ دنیا کو سمجھا دیا کہ پاکستان کا دفاع ناقابل تسخیرہے۔ پاکستان محفوظ اورمحب وطن ہاتھوں میں ہے۔
دوسری جانب پاکستان کے سابق وزیراعظم اور مسلم لیگ ن کے صدر نوازشریف نے بیان جاری کرتے ہوئے کہاہے کہ اللّہ ربّ العزت کا شکر ہے کہ اس نے پاکستان کو سر بلند کیا۔
نوازشریف نے ایکس پر بیان جاری کرتے ہوئے کہا کہ میں وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔ پاکستان امن پسند ملک ہے اور امن کو ترجیح دیتا ہے مگر اپنا دفاع کرنا بھی جانتا ہے۔
قبل ازیں نائب وزیراعظم کا کہنا تھا کہ پاکستان اور بھارت فوری جنگ بندی پر متفق ہوگئے۔ اسحاق ڈار نے کہا کہ پاکستان نے ہمیشہ خطے میں امن اور سلامتی کیلئے کوشش کی، پاکستان نے امن کی کاوشوں میں خودمختاری، سالمیت پر کبھی سمجھوتہ نہیں کیا۔
