وزیراعظم شہباز شریف نے صدر استحکام پاکستان پارٹی عبدالعلیم خان سے ٹیلیفونک گفتگو میں بھارتی جارحیت کے خلاف پاکستان کی جانب سے جوابی کارروائی کی حمایت پر اظہار تشکر کیا۔
وزیراعظم شہباز شریف نے وفاقی وزیر مواصلات اور صدر استحکام پاکستان پارٹی عبدالعلیم خان سے ٹیلیفونک گفتگو کی۔
وزیراعظم نے عبدالعلیم خان کو خطے کی موجودہ صورتحال پر اعتماد میں لیا۔ بھارتی جارحیت پر پاکستان کی جانب سےجوابی کارروائی کی حمایت پر شکریہ بھی ادا کیا۔
صدر آئی پی پی عبدالعلیم خان نے حالیہ کشیدگی میں ملک و قوم کی مثالی قیادت کرنے پر وزیراعظم کو خراج تحسین پیش کیا۔ دشمن کو بھرپور جواب دینے پر پاک فوج کی پیشہ ورانہ مہارت اور عزم کو سلام پیش کیا۔
وفاقی وزیر عبدالعلیم خان نے مزید کہا کہ وطن عزیر کے دفاع کیلئے پوری قوم اپنی بہادر افواج کے شانہ بشانہ ہے۔
