بھارت کی مسلسل جارحیت اور سرحدی خلاف ورزیوں کے جواب میں پاکستان نے فیصلہ کن ردعمل دیتے ہوئے "آپریشن بنیان المرصوص" کا آغاز کر دیا ہے۔
ذرائع کے مطابق اس آپریشن کے تحت بھارت کے اندر مختلف اہم اہداف کو کامیابی سے نشانہ بنایا جا رہا ہے۔ بنیان المرصوص کا نام سورۃ الصف کی آیت نمبر 4 سے لیا گیاہے جس کا مطلب ’’ آہنی دیوار‘‘ ہے ۔
حکام کا کہنا ہے کہ آپریشن بنیان المرصوص صرف ایک فوری ردعمل نہیں بلکہ بھارت کی اشتعال انگیز پالیسیوں کا منہ توڑ اور مؤثر جواب ہے۔ اس کے ذریعے پاکستان نے واضح پیغام دیا ہے کہ ملکی سالمیت پر کوئی سمجھوتہ نہیں کیا جائے گا۔
ذرائع کے مطابق آپریشن کے تحت بھارت کے اندر مزید اہداف کو بھی مسلسل نشانہ بنایا جا رہا ہے۔ فوجی حکام نے کہا ہے کہ آپریشن مکمل منصوبہ بندی اور نگرانی کے تحت جاری ہے اور بھارت کی ہر جارحیت کا سخت جواب دیا جائے گا۔
