دہشتگردبھارت کی سائبر دہشتگردی پر پاکستانی ہیکرز نے جوابی وار کرنا شروع کر دیا ہے اور اب تک 4بڑی بھارتی ویب سائٹس ہیک کرلی گئیں ہیں ۔
ذرائع کا مطابق پاکستانی ہیکرز نے"آپریشن سالار"کے نام سے بھرپور سائبر جوابی کارروائی کا آغاز کر دیا، پاکستانی ہیکرز کے والنٹیئر گروپ نے "آپریشن سالار" کے نام سے ایک منظم سائبر مہم کا اعلان کیا، "آپریشن سالار" کے تحت بھارتی آن لائن انفرا اسٹرکچر کو نشانہ بنایا جا رہا ہے۔
ذرائع کا کہناتھا کہ ابتدائی کارروائی میں دہشتگرد بھارت کی 4 اہم ویب سائٹس ہیک کر کےڈیٹا حاصل کیا گیا، ان 4 بھارتی ویب سائٹس پر پاکستانی قومی پرچم بھی چسپاں کر دیا گیا۔ پاکستانی ہیکرز کا کہناتھا کہ کارروائی بھارتی سائبرحملوں،پاکستان مخالف مواد،کشمیری عوام پرظلم کےردِ عمل میں کی گئی۔
"آپریشن سالار" کو ایک مکمل سائبر جنگ کا پیش خیمہ قرار دیا جا رہا ہے۔ پاکستانی ہیکرز کا کہناتھا کہ پرامن قوم ہیں لیکن اگر کوئی ہماری سالمیت، خودمختاری،قومی وقار کو چیلنج کرے گا تو خاموش نہیں بیٹھیں گے، آپریشن سالار ایک وارننگ ہے انجام نہیں۔
سوشل میڈیا پر "آپریشن سالار" ٹرینڈنگ ہیش ٹیگ،صارفین کی جانب سےپاکستانی ہیکرز کو خراجِ تحسین پیش کیا جارہا ہے ۔ سوشل میڈیا صارفین کا کہناتھا کہ آپریشن کووسعت دیکر بھارتی میڈیا، مالیاتی نظام اور دفاعی سائٹس کوبھی نشانہ بنایا جائے۔
