کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال کردیا گیا۔
پاکستان ائیرپورٹس اتھارٹی کے مطابق کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال کردیا گیا ہے اور ملک کے دیگر تمام بڑے ائیرپورٹس بدستور فلائٹ آپریشن کے لئے دستیاب ہیں۔
ترجمان کے مطابق مسافر حضرات سے درخواست ہے کہ اپنی پروازوں سے متعلق معلومات کے لئے ائیرلائن سے رابطے میں رہیں۔
دوسری جانب لاہور کی فضائی حدود کے 15 روٹس پر بھی فضائی آپریشن بحال کردیا گیا۔
پاکستان ائیرپورٹس اتھارٹی نے لاہور کی فضائی حدود کے روٹس بندش کا نوٹم منسوخ کردیا ہے۔
