پاکستانی اور بھارتی جنگی طیاروں کے درمیان ہونے والی "ڈوگ فائٹ" حالیہ فضائی تاریخ کی سب سے بڑی اور طویل لڑائیوں میں سے ایک تھی، جس میں پاکستان نے پانچ بھارتی طیارے گرا دیے۔
امریکی میڈیا کی رپورٹس کے مطابق ایک سینئر پاکستانی سیکیورٹی نے بتایا کہ اس لڑائی میں کل 125 جنگی طیاروں نے ایک گھنٹے سے زیادہ وقت تک کی ڈاگ فائٹ کی اور دونوں ممالک کی فضائیہ نے اپنی اپنی فضائی حدود کو نہیں چھوڑا۔ میزائلوں کا تبادلہ بعض اوقات 160 کلومیٹر (100 میل) سے زیادہ فاصلے پر ہو تا رہا۔
ذرائع نےامریکی میڈیا کو بتایا کہ بھارتی فضائیہ کو بعض اوقات اہداف پر حملے کے لیے متعدد بار کوششیں کرنی پڑیں پاکستان نے ان علاقوں میں شہریوں کو ممکنہ اہداف کے بارے میں خبردار کرنے کی پوری کوشش کی،اور یہ کہ فوج نے شہری نقصانات کو کم سے کم کرنے میں کامیابی حاصل کی۔
ذرائع نے مزید بتایا کہ کوئی بھی فریق اپنی فضائیہ کے پائلٹس کو سرحد کے پار بھیجنے کے لیے تیار نہیں تھا۔
واضح رہے کہ 2019 میں ڈوگ فائٹ کے دوران ایک بھارتی فضائیہ کا پائلٹ پاکستانی سرزمین پر پاک فضائیہ نےگرا دیا گیا تھا اور اسے ٹی وی پر پیش کیا گیا تھا، جسے بعد میں بھارت کو واپس کیا گیا ۔ یہ بھارت کیلئے ایک بڑی ذلت تھی۔
