پاکستان کے خلاف پراپیگنڈا پھیلانے والے بھارتی یوٹیوب چینلزکی بندش کا سلسلہ جاری ہے اور اب تک 16بھارتی نیوز چینلز، 31 یوٹیوب ویڈیو لنکس اور20 سےزائد ویب سائٹس بلاک کردیں۔
ترجمان پی ٹی اے کے مطابق بھارتی نیوز چینلز اور ویب سائیٹس کو جھوٹی معلومات اور پاکستان مخالف پراپیگنڈا پھیلانے پر بلاک کیا گیا۔یہ کارروائیاں ڈیجیٹل پلیٹ فارمز کے ذمہ دارانہ استعمال کو یقینی بنانے کا حصہ ہیں ۔ موجودہ علاقائی صورتحال کےتناظر میں قومی سلامتی کے تحفظ کیلئے اقدامات اٹھائے جا رہے ہیں۔
پاکستان کے ڈیجیٹل ماحولیاتی نظام کو محفوظ رکھنا اولین ترجیح ہے۔ پاکستان ٹیلی کام اتھارٹی آن لائن مواد کی نگرانی جاری رکھے گی ۔ ترجمان نے کہا کہ صارفین کو محفوظ۔ پرامن اور قابل اعتماد انٹرنیٹ ماحول فراہم کرنے کے لیے پرعزم ہیں۔ ملکی مفادات کو خطرے میں ڈالنے والے کسی بھی آن لائن مواد کیخلاف سخت کارروائی کی جائےگی۔
