پاکستان سول ایوی ایشن اتھارٹی نےنوابشاہ ائرپورٹ پر طیاروں کی ری فیولنگ سہولت اچانک تین ماہ کیلئے معطل کردی ہے
سی اے اے نے نوابشاہ ائرپورٹ کے حوالے سے نیا ہدایت نامہ جاری کرتےہوئے ایرپورٹ پر لینڈ کرنے والے طیاروں کو اضافی فیول رکھنے کی ہدایت کی ہے۔ سی اے اے کے مطابق ری فیولنگ کےآلات کی کلیبریشن کے باعث نوابشاہ ائرپورٹ پر طیاروں کو ری فیولنگ سروس میسر نہیں ہونگی۔ کلیبریشن کے کام کے باعث یکم نومبرسےانتیس جنوری دوہزار چوبیس تک طیاروں کو ری فیولنگ سہولت میسر نہیں ہوگی، سی اے اے نے تمام ایرلائنز کو نوٹم کے ذریعے بھی آگاہ کردیا ہے
