سوشل میڈیا پر ’’ہم تیارہیں ، آزمانا نہیں‘‘ ٹاپ ٹرینڈ بن گیا۔
بھارت کےپہلگام فالس فلیگ آپریشن اوردھمکیوں کے جواب میں مسلح افواج اور عوام متحد ہوگئی،ڈی جی آئی ایس پی آرکی زوردار پریس کانفرنس نے بھارت کو اسی کی زبان میں جواب دیدیا۔
ڈی جی آئی ایس پی آر نےواضح اور دو ٹوک الفاظ میں کہاکہ’’ہم تیار ہیں ، آزمانا نہیں، 2019ء میں ہم نے یہی بتایا تھا‘‘،ہم وہ نہیں جو محاذ آرائی شروع کریں، ہم ذمہ دارملک ہیں،اگروہ(دشمن) یہ سمجھتا ہے کہ جارحیت ہی راستہ ہے تو ہم تیار ہیں ، اس کی آزمائش نہ کریں۔
ہم نےہرڈومین میں جوابی کارروائی کےاقدامات مکمل کرلیے ہیں،ہم ہر وقت اور ہر جگہ تیار ہیں،پاکستانی عوام اپنی خودمختاری اورسالمیت کا ہرقیمت پردفاع کرے گی،فوجی تصادم کا راستہ بھارت نے چنا تو یہ اس کی چوائس ہے۔
آگے یہ معاملہ کدھرجاتا ہے تو یہ پھر ہماری چوائس ہے،ہم بارباربتا رہےہیں،ہم تیارہیں ہمیں آزمانا نہیں،ڈی جی آئی ایس پی آر کا پیغام’’ہم تیار ہیں، ہمیں آزمانا نہیں‘‘ عوام کی آواز بن گیا۔
تمام سوشل میڈیا صارفین نے اس بیان کو راتوں رات پاپولر ہیش ٹیگ بنا دیا،ڈی جی آئی ایس پی آر کے یہ الفاظ سوشل میڈیا پر وائرل ہوگئے،سوشل میڈیا پر ڈی جی آئی ایس پی آر کا یہ بیان پاکستان کے عزم کی عکاسی کرتا ہے۔
