لیور پول نے ٹوٹنہم ہوٹسپرکو ہرا کر انگلش پریمیئر لیگ کا ٹائٹل جیت لیا۔
چیمپئن ٹیم نے اپنے 34 ویں میچ میں ٹوٹنہم ہوٹسپر کو پانچ ایک کے مارجن سے ہرایا، لیور پول نے بیسویں مرتبہ یہ اعزاز حاصل کیا ہے۔
این فیلڈ میں کھیلے گئے میچ میں لیور پول نے ٹوٹنہم ہوٹسپر کو آؤٹ کلاس کردیا اور پہلے ہی ہاف میں 3 گول کردیے۔
پہلے ہاف میں ڈیاز، میک الیسٹر اور گیکپو نے گول اسکور کیے، ٹوٹنہم ہوٹسپر کا واحد گول اسی ہاف میں بنا جو ڈی سولنکی نے اسکور کیا۔
دوسرے ہاف میں لیور پول کا چوتھا گول محمد صلاح نے کیا جبکہ پانچواں گول اون گول تھا، ٹوٹنہم ہوٹسپر کے کھلاڑی یوگی نے گیند اپنے ہی جال میں پہنچائی۔
اس جیت کے بعد لیورپول کے 34میچوں کے بعد پوائنٹس کی تعداد 82 ہوگئی جس نے انگلش پریمیئر لیگ کا ٹائٹل بیسویں مرتبہ حاصل کرلیا۔
