وزیراعلی گلگت بلتستان نے عام انتخابات 2026 کے پیش نظر تمام سرکاری بھرتیوں پر فوری پابندی عائد کردی۔
حکومت گلگت بلتستان نے الیکشن ایکٹ 2017 کے سیکشن 320 شق 2 کے تحت عام انتخابات 2026 کے انعقاد کو شفاف بنانے کے لیے گلگت بلتستان کے تمام سرکاری محکموں میں ہر قسم کی بھرتیوں پر فوری طور پر پابندی عائد کردی ۔ اس حوالے سے سروسز، جنرل ایڈمنسٹریشن اینڈ کیبنٹ ڈیپارٹمنٹ کی جانب سے باقاعدہ سرکلر جاری کر دیا گیا ہے۔
سرکلر کے مطابق یہ پابندی نئی آسامیوں کے اشتہارات، تحریری امتحانات اور انٹرویوز سمیت بھرتی کے تمام مراحل پر لاگو ہوگی اور نئی منتخب حکومت کے قیام تک برقرار رہے گی۔
سرکلر میں واضح کیا گیا ہے کہ جاری ہدایات کی خلاف ورزی کرنے والوں کے خلاف متعلقہ قوانین کے تحت کارروائی کی جائے گی۔
