انڈین پریمیئر لیگ ( آئی پی ایل ) کی ٹیم راجستھان رائلز پر میچ فکسنگ کا الزام عائد کیا گیا ہے۔
بھارتی میڈیا کے مطابق راجستھان کرکٹ ایسوسی ایشن کی ایڈہاک کمیٹی کے کنوینر جے دیپ نے لکھنؤ سپر جائنٹس کے خلاف میچ کو فکس قرار دیا ہے۔
جے دیپ نے دعویٰ کیا کہ ہر کوئی جانتا ہے کہ راجستھان رائلز کا لکھنؤ کے خلاف میچ فکس تھا اور ہوم گراؤنڈ پر چند رنز کے ہدف کا دفاع نہ کر پانا واضح طور پر مشکوک ہے۔
انہوں نے مزید کہا کہ ایڈہاک کمیٹی ریاستی حکومت کی جانب سے تشکیل دی گئی ہے۔
واضح رہے کہ آئی پی ایل کے مذکورہ میچ میں لکھنؤ سپر جائنٹس نے راجستھان رائلز کو سنسنی خیز مقابلے کے بعد 2 رنز سے شکست دی تھی۔
یہ الزامات راجستھان رائلز کی کارکردگی اور آئی پی ایل کی شفافیت پر سوالات اٹھا رہے ہیں۔
