انٹرنینشل کرکٹ کونسل (آئی سی سی) نے ون ڈے پلیئرز کی نئی رینکنگ جاری کردی۔
نئی درجہ بندی کے مطابق شاہین آفریدی نے جوش ہیزل ووڈ سے پہلی پوزیشن چھین لی، شاہین آفریدی بولرز رینکنگ میں پہلے نمبر پر آگئے۔
دوسری جانب بیٹرز میں پاکستان کے کپتان بابراعظم کا پہلا نمبر برقرار ہے۔ بھارت کے شمبن گل 2 پوائنٹ کے فرق سے دوسرے نمبر پر موجود ہیں۔ ٹاپ ٹین آل راونڈز میں پاکستان کا کوئی کھلاڑی موجود نہیں۔
واضح رہے کہ گزشتہ روز پاکستان کے فاسٹ بولر شاہین شاہ آفریدی کی ون ڈے کرکٹ میں تیزترین 100 وکٹیں مکمل ہوگئیں۔ یاد رہے کہ شاہین آفریدی 100 وکٹیں لینے والے تیز ترین فاسٹ بالر بن گئے، شاہین آفریدی نے 51 میچز میں 100 وکٹوں کا کارنامہ انجام دیا۔ اس سے قبل مچل اسٹارک نے 52 میچز میں سو وکٹیں حاصل کی تھیں۔
شاہین آفریدی نے یہ اعزاز بنگلہ دیش کے خلاف کھیلے جارہے میچ میں حاصل کیا، قومی بولر نے سری لنکا کے تنزید حسن کو آؤٹ کرکے 100 ویں وکٹ حاصل کی۔
