خصوصی سرمایہ کاری سہولت کونسل (ایس آئی ایف سی) کی معاونت سے ڈیجیٹل معیشت کا نیا باب رقم ہونے جا رہا ہے۔
پاکستان کے پہلے ڈیجیٹل ایف ڈی آئی فورم کا 29 اور 30 اپریل کو اسلام آباد میں انعقاد ہوگا، یہ فورم حکومتِ پاکستان و ڈیجیٹل کوآپریشن آرگنائزیشن کا مشترکہ تاریخی اقدام ہے۔
ڈیجیٹل کوآپریشن آرگنائزیشن کی سیکرٹری جنرل ’دیمہ الیحیٰ‘ کی جانب سے اس اقدام کا خیرمقدم کیا گیا۔ دنیا بھر سے 500 سے زائد سرمایہ کاروں، رہنماؤں اور ماہرین کی فورم میں شرکت متوقع ہے، عالمی ماہرین کی شرکت سے ڈیجیٹل مارکیٹ میں سرمایہ کاری کے امکانات روشن ہیں۔
پاکستان نے 2030 تک ڈیجیٹل معیشت کے ذریعے 60 ارب ڈالر کا ہدف مقرر کیا ہے، فورم میں سرمایہ کاری کیلئے تیار 75 سے زائد سٹارٹ اپس شریک ہوں گے، نوجوان آبادی اور جدید ٹیکنالوجی، ڈیجیٹل ترقی کی مضبوط بنیاد ہیں۔
فِن ٹیک، اے آئی اور ایگری ٹیک جیسے سٹارٹ اپس جدید ترقی کی علامت ہیں، عالمی رہنماؤں کی شراکت داری ڈیجیٹل سرمایہ کاری کو نئی سمت دینے کو تیار ہے، ڈیجیٹل سرمایہ کاری سے پائیدار و مستحکم معیشت کی راہیں ہموار ہوں گی۔
