قومی ٹیم کی بھارت کے ہاتھوں تاریخی شکست پر ٹک ٹاکر حریم شاہ بھی سیخ پا، ٹیم کی بُری کارکردگی پر چیئرمین پی سی بی ذکااشرف کی ویڈیو جاری کرنے کی دھمکی دیدی۔
پاکستان کی بھارت کے ہاتھوں عبرتناک شکست کے بعدسوشل میڈیا صارفین جانب سے قومی ٹیم پر تنقید جاری ہے
بھارت اور پاکستان کے درمیان میچ دس اگست کو شیڈول تھا جو بارش کی وجہ س متاثر ہوا۔ پھر آئندہ روز کا کھیل گزشتہ روز مکمل ہوا۔جس میں بھارتی ٹیم نے پاکستانی ٹیم کے چھکے چھڑا دئیے۔
بھارتی بیٹنگ کے سامنے قومی ٹیم کی فیلڈنگ ،بولنگ کچھ کام نہ آئی۔بابرالیون بھارتی سورماؤں کے سامنے بےبس رہی،اور بھارتی ٹیم نے ایک پہاڑ جتنا ہدف پاکستان کو دیدیا۔جواب میں پاکستانی ٹیم کی بیٹنگ بھی فلاپ ہوگئی
قومی ٹیم357 کے ہدف کے تعقب میں صرف 128 رنز ہی بنا سکی۔ایک کے بعد ایک وکٹ گرتی چلی گئی ۔نہ بابراعظم کا بلا چل سکا نہ ہی چاچا کے چوکے چھکے چلے۔
قومی ٹیم کی بھارت کے ہاتھو ں شکست کے بعدسوشل میڈیا پر تنقید کی جارہی ہے۔ اور اسی حوالے سے دلچسپ میمز بھی وائرل ہورہی ہیں۔
قومی ٹیم کی خراب کارکردگی سے دلبرداشتہ ہوکر ٹک ٹاکرحریم شاہ نے چیئرمین پی سی بی ذکا اشرف کو آڑے ہاتھوں لے لیا ۔حریم شاہ نےسماجی رابطے کی ویب سائٹ ٹوئٹر پر بیان میں کہا کہ ٹیم کی بری کارکردگی پر آج دوپہر 2 بجے ذکا اشرف کی ویڈیو جاری کروں گی۔چئیرمین پی سی بی ذکا اشرف بھی میچ دیکھنے کولمبو پہنچے تھے۔
ٹیم پاکستان کی بری کارکردگی پر کل دوپہر 2 بجے چئیرمین پی سی بی زکا اشرف کی وڈیو جاری کروں گی#INDvsPAK pic.twitter.com/UFXrc4k4SU
— Hareem Shah (@_Hareem_Shah) September 11, 2023
خیال رہے کہ ٹک ٹاکر حریم شاہ پہلے بھی کئی بار اہم سیاستدانوں کو ویڈیوز لیک کرنے کی دھمکی دے چکی ہیں۔اس بار انہوں نے چیئرمین پی سی بی کو نشانے پہ رکھا ہے اب دیکھنا یہ ہے کہ اس بار وہ کیا نیا کرنے جارہی ہیں۔یا پھریہ بھی کوئی جھوٹ کا پلندہ ثابت ہوتا ہے۔
گزشتہ کچھ روز قبل حریم شاہ نے مسلم لیگ ن کی چیف آرگنائزر مریم نواز کی ویڈیو لیک کرنے کی دھمکی دی تھی ۔اور اگلے روز حریم شاہ نے کیپٹن صفدر کی مبینہ بیوی کی ویڈیو شیئرکی تھی۔
