عمرکوٹ کے حلقہ این اے 213 میں ضمنی انتخاب میں پیپلزپارٹی نے میدان مار لیا۔
غیر حتمی اور غیر سرکاری نتائج کے مطابق پیپلزپارٹی کی صبا تالپور نے ایک لاکھ 64 ہزار 612 ووٹ لے کر کامیابی حاصل کی ۔ حزب اختلاف کے امیدوار لال مالہی 82 ہزار 224 ووٹ لے کر دوسرے نمبر پر رہے۔
حلقہ این اے 213 عمرکوٹ میں ضمنی انتخاب پیپلزپارٹی ایک بار پھر فاتح قرار، نواب یوسف تالپور کی بیوہ صباء تالپور بڑے مارجن سے کامیاب ہوگئیں۔ یہ سیٹ پیپلزپارٹی کے رہنما نواب یوسف تالپور کے انتقال کے باعث خالی ہوئی تھی۔
ووٹنگ کے دوران مختلف جماعتوں کے کارکنوں کے درمیان تلخ کلامی بھی ہوئی جبکہ مخالف امیدواروں کی جانب سے ایک دوسرے پر دھاندلی کے الزامات بھی عائد کیے گئے۔
چیئرمین پیپلزپارٹی بلاول بھٹوزرداری نےعمرکوٹ کے ضمنی الیکشن کے نتائج پر ردعمل دیتے ہوئے کہا کہ کامیابی جیالوں کی محنت کا نتیجہ ہے۔
بلاول بھٹو نے کہا کہ عوام کےاعتماد کامظہرہے،صبا تالپور کی کامیابی جمہوریت کی فتح ہے، آج حیدرآباد میں این اے213 کی کامیابی کا جشن منائیں گے۔
