کراچی میں آٹے کی قیمتوں میں 10 روپے سے 17 روپے فی کلو کمی کردی گئی ہے۔
کمشنر کراچی کی جانب سے جاری کردہ نوٹیفکیشن کے مطابق ہول سیل میں ڈھائی نمبر آٹے کی قیمت میں 17 روپے فی کلو کمی کی گئی ہے جس کے بعد نئی قیمت 66 روپے فی کلو مقرر ہوگئی ہے۔
ریٹیل میں ڈھائی نمبر آٹے کی نئی قیمت 70 روپے فی کلو کردی گئی اور ہول سیل میں فائن آٹے کی قیمت میں 10 روپے فی کلو کی کمی ہوئی ہے۔
ہول سیل میں فائن آٹے کی نئی قیمت 78 روپے فی کلو مقرر ہوگئی جبکہ ریٹیل میں فائن آٹے کی نئی قیمت 82 روپے فی کلو مقرر کردی گئی ہے۔
چکی کے آٹے کی قیمت میں 10 روپے کی کمی ہوئی اور نئی قیمت 90 روپے فی کلو مقرر کی گئی ہے۔
