محکمہ انسداد دہشت گردی نے کراچی کے علاقے سولجر بازار میں کارروائی کرکے کالعدم تنظیم زینبیون بریگیڈ کے دہشت گرد کو گرفتار کرلیا۔
سی ٹی ڈی ترجمان کے مطابق ملزم محمد موسیٰ گرفتاری سے بچنے کیلئے روپوش تھا، ملزم نے قتل اور اقدامِ قتل کی وارداتوں کا اعتراف کیا ہے اور وہ فرقہ واریت کی مختلف کارروائیوں میں ملوث رہا ہے۔
ترجمان کا کہنا ہے کہ ملزم کو کالعدم تنظیم زینبیون بریگیڈ کی جانب سے فنڈنگ بھی کی جاتی تھی۔
سی ٹی ڈی ترجمان کے مطابق کا ملزم کے خلاف تھانہ سی ٹی ڈی میں مختلف مقدمات درج تھے، مزید تحقیقات جاری ہیں۔
