وفاقی وزیر داخلہ محسن نقوی نے متعلقہ حکام کو پاسپورٹ کے حصول کیلئے نئی شرائط کے قانونی امور جلد مکمل کرنے کی ہدایت کردی۔
وفاقی وزیر داخلہ محسن نقوی نے کا ڈائریکٹوریٹ آف امیگریشن اینڈ پاسپورٹ کا دورہ کیا۔ پاسپورٹ کے حصول کیلئے نئی شرائط کے قانونی امور جلد مکمل کرنے کی ہدایت کر دی۔
ڈائریکٹوریٹ آف امیگریشن اینڈ پاسپورٹ میں اجلاس کی صدارت کرتے ہوئے محسن نقوی نے کہا پاسپورٹ کیلئے نئی شرائط سے بھکاریوں اور غیرقانونی امیگریشن کی روک تھام ہو گی ۔ ڈی پورٹ افراد کے پاسپورٹ بلاک کئے جانے کی ہدایت پر 100 فیصد عملدرآمد یقینی بنایا جائے۔
وزیرمملکت داخلہ طلال چوہدری نے بھی اجلاس میں شرکت کی ۔ کہا کہ پاسپورٹس اجرا کے متعلق اس فیصلے سے عالمی برادری کو مثبت پیغام جائے گا ۔
وفاقی وزیر داخلہ نے نئی نصب کی گئی چھ ایم آر پی اور دو ای پاسپورٹ مشینوں کا معائنہ کیا۔ مشینوں کی تنصیب کیلئے پاکستان آئی جرمن ٹیم سے بھی ملاقات کی ۔
محسن نقوی نے کہا نئی مشینوں سےپاسپورٹ آفس کی استعدادکار میں اضافہ ہوگا پاسپورٹ کا اجرا تیزی سے ممکن ہو گا ۔ ڈی جی پاسپورٹ مصطفیٰ جمال قاضی کی وفاقی وزیر داخلہ کو تفصیلی بریفنگ ۔ بتایا کہ شہریوں کی سہولت کیلئے جلد موبائل ایپ لانچ کی جائے گی۔
