پنجاب فوڈ اتھارٹی نے جعلی مشروبات کی بڑی کھیپ پکڑ لی، 834 لیٹر غیر معیاری مشروبات تلف،گودام مالک کو 50 ہزار روپے جرمانہ کردیا گیا۔
ترجمان فوڈ اتھارٹی کا کہنا ہےکہ کارروائی بابو لال حسین روڈ گنج منڈی میں ویئر ہاؤس پرکی گئی،اسٹورمیں جعلی،نان لیبل انرجی ڈرنکس ذخیرہ کی گئیں تھی۔
ترجمان فوڈ اتھارٹی کے مطابق مضرصحت جوس اور انرجی ڈرنکس مارکیٹ میں فروخت کی جانی تھیں،فوڈ سیفٹی ٹیم نے سینکڑوں لٹرجعلی مشروبات تلف کردیں
ترجمان فوڈ اتھارٹی کاکہنا ہےکہ اسٹورمیں تقریباً 6 لاکھ روپے مالیت کی جعلی، نان لیبل انرجی ڈرنکس ذخیرہ کی گئیں تھی،جعلی مشروبات کا کاروبار کرنے والوں کے گرد گھیرا مزید تنگ کیا جاۓ گا۔
