لاہور کی مقامی عدالت نے پچیس لاکھ روپے اور گاڑی واپس نہ کرنے کے استغاثہ کیس میں اداکارہ نازش جہانگیر کے وارنٹ گرفتاری منسوخ کردیے۔
کینٹ کچہری لاہور کےجوڈیشل مجسٹریٹ غلام شبیرسیال نےاستغاثہ کیس کی سماعت کی،عدالتی حکم پرنازش جہانگیر اپنے وکیل بیرسٹرحارث کےہمراہ عدالت کےروبروپیش ہوئیں،عدالت نےاداکارہ نازش جہانگیرکے ورانٹ گرفتاری منسوخ کردیے۔عدالت نے پچاس ہزار روپےمچلکوں کےعوض ورانٹ گرفتاری منسوخ کیے ۔
عدالت نےکیس کی مزید کاروائی اٹھائیس اپریل تک ملتوی کردی،اداکارہ نازش جہانگیر کےخلاف اداکار ہارون اسودکی جانب سے پچیس لاکھ روپےاورگاڑی واپس نہ کرنےکا استغاثہ دائر ہے۔ کینٹ کچہری نےعدم پیشی پر اداکارہ نازش جہانگیر کے ناقابل ضمانت وارنٹ گرفتاری جاری کیے تھے۔
