سابق وزیراعظم نواز شریف کی طبیعت ناساز ہوگئی، ڈاکٹرز نے انہیں مکمل آرام کا مشورہ دے دیا
ذرائع کے مطابق سابق وزیراعظم نوازشریف کے سعودی عرب نہ جانے کی وجہ سامنے آگئی۔ نواز شریف طبیعت ناساز ہونے کے باعث سعودی عرب نہیں گئے
ذرائع کا کہنا ہے کہ سابق وزیراعظم نواز شریف کی طبیعت بگڑ گئی ہے، ذاتی ڈاکٹر نے قائد مسلم لیگ (ن) کو ہوائی سفر کرنے سے منع کر دیا ہے۔
وزیراعظم شہباز شریف کے بڑے بھائی نواز شریف رمضان المبارک کا آخری عشرہ سعودی عرب جاکر مکہ اور مدینہ میں گزارتے ہیں۔ اس بار بھی میاں نواز شریف کی خواہش تھی کہ وہ ارض مقدس پر ماہ صیام کا آخری عشرہ گزاریں، لیکن ان کے معالج نے انہیں ہوائی جہاز کا سفر کرنے کی اجازت نہیں دی ہے۔
