وزیراعظم شہباز شریف آج سے سعودی عرب کا چار روزہ سرکاری دورہ کریں گے۔
دورے کے دوران سعودی ولی عہد محمد بن سلمان سے اہم ملاقات اور دوطرفہ تعاون اور عالمی امور پر تبادلہ خیال ہوگا۔ تجارت کے فروغ، مختلف شعبوں میں شراکت داری اور وسیع تر اقتصادی تعاون پر بات چیت ہوگی۔
عالمی اور علاقائی امور بھی زیرغور آئیں گے۔ غزہ کی صورت حال اور امت مسلمہ کو درپیش چیلنجز پر بھی بات ہوگی۔ نائب وزیراعظم اسحاق ڈار اور دیگر اہم وفاقی وزراء بھی وزیراعظم کے ہمراہ ہوں گے۔
