انٹرنیشنل کرکٹ کونسل (آئی سی سی ) چیمپئنز ٹرافی 2025 میں شریک ٹیموں کے سفر کی تفصیلات سامنے آگئیں۔
میڈیا رپورٹس کے مطابق ایونٹ کی فائنلسٹ ٹیم نیوزی لینڈ نے سب سے زیادہ 7 ہزار 48 کلومیٹر کا سفر طے کیا اور کیوی ٹیم نے فائنل سے قبل کراچی، راولپنڈی، دبئی اور لاہور کے شہروں کا رخ کیا جبکہ فائنل میچ کے لیے دوبارہ دبئی کا سفر کیا۔
دوسری جانب فائنلسٹ بھارت نے اپنے تمام میچز دبئی میں کھیلے اور وہیں قیام کیا۔
رپورٹس کے مطابق انگلینڈ نے اپنے تمام میچز پاکستان میں کھیلے اور اس دوران صرف 1020 کلومیٹر کا سفر کیا۔
میزبان پاکستان نے دبئی، کراچی اور راولپنڈی میں میچز کھیلے اور مجموعی طور پر 3133 کلومیٹر کا فاصلہ طے کیا۔
دیگر ٹیموں میں افغانستان نے کراچی اور لاہور میں میچز کے لیے 1200 کلومیٹر سفر کیا جبکہ بنگلادیش نے دبئی سے سفر شروع کیا اور راولپنڈی میں دو میچز کھیلے، جس کے لیے اس نے 1053 کلومیٹر کا فاصلہ طے کیا۔
آسٹریلیا نے لاہور، راولپنڈی اور دبئی میں میچز کھیلے اور 2509 کلومیٹر سفر کیا۔
جنوبی افریقا نے چار میچز کے لیے 5 پروازیں لیں اور 3286 کلومیٹر کا سفر طے کیا۔
