(ایچ بی ایل) پی ایس ایل 10 کا آغاز 11 اپریل کو ہوگا، شیڈول جاری کردیا گیا۔
راولپنڈی کرکٹ اسٹیڈیم دفاعی چیمپئن اسلام آباد یونائیٹڈ اور لاہور قلندرز کے درمیان افتتاحی میچ سمیت 11 میچوں کی میزبانی کرے گا۔
قذافی اسٹیڈیم 18 مئی کو فائنل سمیت 13 میچوں کی میزبانی کرے گا۔ کراچی اور ملتان پانچ پانچ میچوں کی میزبانی کریں گے،پشاور 8 اپریل کو نمائشی میچ کی میزبانی کرے گا۔
سی ای او ایچ بی ایل پی ایس ایل سلمان نصیر کا کہنا ہے کہ ایک دہائی کے دوران پی ایس ایل عالمی سطح پر تسلیم شدہ ٹورنامنٹ بن گیا ہے،ٹورنامنٹ کے آغاز سے قبل پشاور میں نمائشی میچ کی میزبانی پر خوشی ہے۔
