پاکستان اسٹاک مارکیٹ میں بڑھتی مالی شراکت اور سرگرمیوں کے پیش نظر شیئرز کی خرید کی فی آرڈر مالی حد میں 100 فیصد اضافہ کردیا گیا۔
اسٹاک ایکس چینج نے اہم فیصلے کا نوٹس جاری کردیا۔ شیئرز کی خرید کی فی آرڈر مالی حد میں 100 فیصد اضافہ کردیا گیا ہے۔ سرمایہ کار ریڈی مارکیٹ میں10کروڑ کے شیئرز ایک آرڈر میں ایک ساتھ خرید سکیں گے۔
پہلے سرمایہ کارریڈی مارکیٹ میں فی آرڈر ایک ساتھ5 کروڑ کے شیئرز خرید سکتے تھے، فیوچر مارکیٹ میں فی آرڈر شیئرز کی خریداری لمٹ2.5کروڑ سے بڑھاکر 5کروڑ کردی گئی۔
اعلامیے کے مطابق ریڈی اور فیو چر مارکیٹ میں فی آرڈر شیئرز خریداری کے والیوم کی سابقہ حد برقرار ہے، فیصلے کا اطلاق پیر3مارچ سے ہوجائے گا۔ ماہرین کے مطابق فیصلے سے اسٹاک مارکیٹ کا کاروباری مالی حجم اور سرگرمیاں بڑھیں گی۔
