وزیر توانائی اویس لغاری سولر پینل لگانے والوں پر ٹیکس لگانے کی خبروں کی تردید کردی ہے۔
سینیٹ قائمہ کمیٹی برائے پاور کا اجلاس میں وزیر توانائی اویس لغاری نے بتایا کہ آئی پی پیز سے مذاکرات کاریلیف جلد عوام کو منتقل کریں گے۔
سولر پر ٹیکس سے متعلق خبروں پر وزیر توانائی کا کہنا تھا کہ سولر پر کوئی ٹیکس نہیں لگا رہے، سولرکی حوصلہ شکنی نہیں کریں گے۔
انھوں نے بتایا کہ رمضان میں سحری افطار میں بلاتعطل بجلی دیں گے، جون سےاب تک چار روپے سے11روپے فی یونٹ تک بجلی سستی کرچکے ہیں اور بجلی قیمت میں مستقبل میں خاطرخواہ کمی متوقع ہے، وزیراعظم بھی اس سلسلے میں اقدامات تجویز کر رہے ہیں۔
ان کا مزید کہنا تھا کہ ملک میں یکساں ٹیرف کےمعاملے پر بھی بات کرنی ہوگی، حکومت کے الیکٹرک کا سالانہ 170 ارب کا نقصان برداشت کر رہی ہے۔
