چیف جسٹس آف پاکستان یحییٰ آفریدی نے ڈیرہ اسماعیل خان جیل کا دورہ کیا ہے اور وہاں قیدیوں کے مسائل سنے ہیں۔
چیف جسٹس آف پاکستان یحییٰ آفریدی کے دورے کے اعلامیہ جاری کردیا گیا ہے جس کے مطابق انہوں نے جیل میں مختلف بیرکس کا دورہ کیا کیا اور قیدیوں کو میسر صحت کی سہولیات کا جائزہ لیا۔
اعلامیہ کے مطابق چیف جسٹس کا یہ دورہ جیل ریفارمز پالیسی کا حصہ تھا۔
اعلامیہ میں بتایا گیا کہ ڈیرہ اسماعیل خان میں چیف جسٹس نے ڈسٹرکٹ اینڈ سیشن ججز سے ملاقات کی جس میں ٹانک اور وزیرستان سے ضلعی عدلیہ کے ججز نے بھی شرکت کی۔
اس موقع پر چیف جسٹس کا کہنا تھا کہ دور دراز اور پسماندہ علاقوں میں اصلاحات ترجیح ہیں۔
