کمبوڈیا کیخلاف ورلڈ کپ کوالیفائر میچز میں ڈرا اور جیت کے بعد پاکستان کی عالمی رینکنگ میں 4 درجے بہتری آگئی۔
فٹبال کی عالمی تنظیم فیفا نے تازہ ترین رینکنگ جاری کردی، نئی فیفا رینکنگ میں پاکستان فٹبال ٹیم 4 درجے ترقی کے بعد 197 سے 193 نمبر پر آگئی۔
فیفا ورلڈ کپ پری کوالیفائر میں کمبوڈیا کیخلاف ڈرا اور ایک میچ میں کامیابی کے بعد پاکستان ٹیم کی رینکنگ میں بہترین آئی۔
پاکستان فیفا ورلڈ کپ کوالیفائر کے دوسرے راؤنڈ میں سب سے کم رینک والی ایشیائی ٹیم ہوگی، پاکستان کے ساتھ گروپ جی میں سعودی عرب، اردن، تاجکستان شامل ہیں۔
فیفا ورلڈکپ کوالیفائر کے دوسرے راؤنڈ میں قومی فٹبال ٹیم اپنا پہلا میچ سعودی عرب کیخلاف 16 نومبر کو اتفاق اسٹیڈیم دمام میں کھیلے گی جبکہ دوسرا میچ ہوم گراؤنڈ پر تاجکستان کیخلاف 21 نومبر کو ہوگا۔
رپورٹ کے مطابق ہر گروپ سے سرفہرست 2 ٹیمیں ورلڈکپ کوالیفائر کے تیسرے راؤنڈ اور براہ راست فٹبال ایشین کپ کیلئے کوالیفائی کریں گی، ہر گروپ سے نیچے والی دو ٹیمیں 2025-26 میں ایشین کپ کوالیفائر میں حصہ لیں گے۔
